Cem Şivan xelata gîtarîstên navnetewî girt

K24 – Navenda Nûçeyan

Gîtarîstê Kurd Cem Şivan Ergul li welatê Îtalyayê di pêşbirka gîtarîstên navnetewî de bû yekemîn.

Li Paytexta Îtalyayê Romayê Pêşbirka Gîtarîstên Navnetewî ko ser navê gîtarîstê navdar ê cîhanê Alîrîo Dîaz tê kirin, bi rê ve çû. Gîtarîstê Kurd Cem Şivan Ergul jî beşdarê pêşbirkê bû û berhemên Johann Sebastian Bach, Joaquin Rodrigo û Antonio Lauro jenand. Di encama pêşbirkê de Gîtarîstê ciwan ê kurdan Cem Şivan Ergul di beşa xwe de bû yekemîn.

Cem Şivan Ergul ji xelkê bakurê Kurdistanê bajarê Batmanê ye û  sala borî jî di 4. Festîvala Gîtara Klasîk a li Stenbolê de bû bû yekemîn.

C.B