550 hunermendên cîhanê bi tabloyên xwe li Enqerê kom bûn

K24 – Enqere

Ji 26 welatan, 550 hunermendên ji neteweyên ciyawaz di fûareke hunerî ya navdewletî de li paytexta Tirkiyê Enqereyê ligel berhemên xwe yên hunerî kom bûn. Ligel wêneyên jin û zarokên ku li Mûsilê ji aliyê DAIŞê ve hatibûn dîlgirtin, gelek tablo û wêneyên ji hev cudatir ji zêdeyî 2 hezaran wêne û tabloyên hunerî bo hunerhezan hatin nîşandan.

Li ser her rûyekî êş, xembarî û çîrokeke dilêş heye. Wêneyên ku bêhtir tê de jin û zarok hene wêneyên ji Mûsilê ne û piraniya kesên di wêneyan de xuya dikin, demeke dirêj zilm û zexta DAIŞê dîtine û piştre bi alîkariya Pêşmergeyan ve hatine xelaskirin. Ev wêneyên ku her yek xwedî çîrokek balkêş in.