Zilamek li Tirkiyê ev 40 sal in di şikeftekê de dijî

Tê gotin, berî 40 salî dema dayika Eskender koça dawî kiriye, wî xwe di ber mirina wê de berpirs dîtiye, lewra ew ji nav mirovan derket û berê xwe da wê şikeftê û heya niha jî li çolan dijî.

K24 - Navenda Nûçeyan.

Eskender Gunduz, ku temenê wî 72 sal in, ji berî 40 salan ve, berê xwe da çolê û ji wê demê ve, bi tena xwe di nava şikeftekê de dijî. Eskender derbarê jiyana xwe dibêje: Min xwe fêrî siruşt û tenahiyê kiriye û jiyana li gel siruşitê ne zehmet e, mirov li gel siruşt fêrî her tiştî dibe.

Tê gotin, berî 40 salî dema dayika Eskender koça dawî kiriye, wî xwe di ber mirina wê de berpirs dîtiye, lewra ew ji nav mirovan derket û berê xwe da wê şikeftê û heya niha jî li çolan dijî.

Eskenderê ku berî niha li Bruksela paytexta Belcîka jiya ye û du zimanên biyanî jî zane dibêje: Dema ez hatim vê çolê, şikefta min 200 metirî di bin zemînê de bû, lê ew şikeft herifî, niha jî ez hatime vê şikefta han.

Ew kesên serdana Eskender dikin, didin xuyakirin ku ew ti ziyanê li kesî nake û daxwaze tiştekî jî nake.

N.O