Mele Farqînî: Yên li dijî serxwebûna Kurdistanê bin, li dijî xwedê ne

K24 – Navenda Nûçeyan

Mele Mihyeddînê Farqînî dibêje: “Ew ên ku li dijî serxwebûna Kurdistanê derdikevin li dijî xwedê derdikevin.”

Mele Mihyeddîn ji bo piştgiriya referanduma serxwebûnê ji Bakurê Kurdistanê hatiye Başûrê Kurdistanê û radigihîne: “Çawa ku li gor hikûqa navnetewî serxwebûn mafê kurdan be li gor hikûqa Îslamê jî û dewletbûn mafê Kurdan e. Kesên li dijî serxwebûna kurdan derdikevin li dijî xwedê derdikevin.”

Mele Mihyeddîn got: “Nabe kesek bawerî bi xwedê û qurana pîroz anîbe li dijî serxwebûna Kurdistanê derkeve. Lewma divê hemî kes piştgiriya referandûma serxwebûnê bike.”