Siyasî

Artêşa Tirkiyê ji Efrîniyan dixwaze nasnameya Tirkiyê hilbigirin

Li gorî zanyariyên opozisyonê, artêşa Tirkiyê li ser xalên pişkinînê, ji xelkê Xûtayê xwestiye berî ku li Efrînê bên akincîkirin kertên nasînê yên Tirkî hilgirin.

Kurdistan24 Hewlêr 2018/05/13 05:07

kurdistan Efrîn Tirkiye Opozisyona Sûrî

K24 - Navenda Nûçeyan

Li gorî medya opozisyona Sûrî belav kiriye, artêşa Tirkiyê ji meşextên Xûtayê û welatiyên Kurd li Efrînê ferz kiriye, ku hejmareke kaxez pencemor bikin û wêneyên xwe bi wan kaxezan vekin daku (Kerta Nasînê) ya Tirkî werbigirin ku bi Iqamê yan (Kerta Parastina Demkî) tê naskirin.

Herwiha li gorî zanyariyên opozisyonê, artêşa Tirkiyê li ser xalên pişkinînê, ji xelkê Xûtayê xwestiye berî ku li Efrînê bên akincîkirin kertên nasînê yên Tirkî hilgirin.

Jêderên opozisyona Sûrî diyar kirine, ku artêşa Tirkiyê ew biryara xwe li ser Kurd û Erebên din jî yên li Efrînê dimînin sepandiye.

Artêşa Tirkiyê û ketîbeyên opozisyona Sûrî, di 18 Adarê de, Efrînê û gundewarên wê bitemamî dagîr kirin û li gorî amarên nefermî, heya niha 200 hezar kes ji xelkê Efrînê meşext bûne.

N.O