Daxwaza azadkirina Demîrtaş hat redkirin

K24 – Navenda Nûçeyan

Daxwaza azadkirina namzetê HDPê yê Hilbijartinên serokatiya Tirkiyê Selahatîn Demîrtaş hate redkirin.

Hefteya bihurî parêzerên namzetê Partiya Demokratîk a Gelan (HDP) Seahatîn Demîrtaş û Parlementera HDPê Ayşe Acar Başaran serî li Dadgeha Enqerê dabûn û ji bo pêvajoya hilbijartinê  bi dadperwerane bi rê ve biçe daxwaza azadiya wî kiribûn. Lê Dadgeha Enqereyê biryara xwe da û daxwaza wan red kir.

Berî çend rojan jî parêzerê Selahedîn Demîrtaş ragihandibû, ku nêzîk wê Demîrtaş bê azadkirin û dihat çaverêkirin ku îro Demîrtaş ji zindanê derketiba.

Demîrtaş ji 4ê Çiriya Pêşînê ya sala 2016an ve girtî ye û bi endamtiya PKKê tê tohmetbarkirin.

S. B