Karwaneke din ên Hêzên Şeibî derbasî Efrînê dibe

Karwaneke din ji milîsên Hêzên Şeibî yên ser bi rêjîma Sûriyê bi ala Sûriyê û wêneya Serokê Sûriyê Beşar Esed derbasî herêma Efrînê bûn.

K24 – Navenda Nûçeyan

Karwaneke din ji milîsên Hêzên Şeibî yên ser bi rêjîma Sûriyê bi ala Sûriyê û wêneya Serokê Sûriyê Beşar Esed derbasî herêma Efrînê bûn.

Kenala Al-Mayadeen ragihand, îro komeka din ji milîsên Hêzên Şeibî yên ser bi artêşa Sûriyê derbasî Efrînê bûn û li meydana Azadî ya bajarê Efrînê rastî pêşwaziya gel û YPGê hatin.

Cîgirê Serokê Hêzên Şeibî Îbrahîm Mektebî ku bi sereperiştiya wî ew hêz derbasî Efrînê bû ji wê kenalê re got: “Em kesine sivîl in û xwebexş in tevlî hêzên ser bi artêşa Sûriyê bûne. Em hatine rê li ber perçekirina xaka Sûriyê bigirin û hêzên me li tevahiya navçeyên sînorî belav bûne.”

Derbasbûna hêzên Sûrî bo Efrînê di çarçoveya rêkeftina navbera YPG û rêjîma Sûriyê de pêk tê. Yekemîn daneya wê hêzê roja 20ê vê mehê derbasî Efrînê bû û duh jî kawana duyem û îro karwana sêyemîn derbasî Efrînê dibin.

Ji aliyê xwe ve, îro Peyvdarê Giştî yê Yekîneyên Parastina Gel (YPG) Nûrî Mehmûd ji ajansa “Reuters” re gotibû: “Ew daxwaz dikin artêşa Sûriyê yê fermî biçe Efrînê û bi erkê xwe ji dijminkariya Tirkiyê biparêze.”

 

S. B