Dadgeha Demîrtaş îro li Enqerê birêve diçe

K24 – Navenda Nûçeyan

Dadgeha hevserokê berê yê HDPê Selahetîn Demîrtaş li Enqerê îro Çarşemê dîsa dest pê kir.

Dadgehkirina Demîrtaş li Dadgeha Sizaya Giran a Enqerê birêve diçe û bi tometên bangeşeya rêxistina terorê 142 sal sizaya zîndankirinê jê re tê xwastin.

Di rûniştina dawî ya dadgehê de Demirtaş li ser vê dosyayê parastina xwe pêşkêş kir û got: "Ez qet nebûme rêveberê PKKê, qet min ferman ji kesî wernegirtiye û kesî jî ferman nedaye min."

Parêzerê Demîrtaş ji K24ê re ragihand, ji ber têkçûna rewşa tenduristî ya Demîrtaş, nekirîbû li dadgehê amade bibe, lê hevserokên HDPê Sezai Temelli û Perwîn Bulden û parlemanterê CHPê Sezgîn Tanrikulu amade bûn.

Selahîd Demîrtaş, beriya 20 mehan bi tometa endamtî û birêveberiya rêxistina terorê hatibû girtin û derbarê wî 33 doz hatibûn vekirin.

S. B