Trump ji Serokê Filestînê re: Ezê Orşelîmê bikim paytexta Israîlê

K24 - Navenda Nûçeyan

Hat ragihandin ku serokê Amerîka Donald Trump bi riya telefonê pêwendî bi serokê Filestînê Mehmûd Ebas re kiriye û jê re gotiye, wê Amerîka balyozxaneya xwe veguhêze bajarê Orşelîm.

Berpirsekî pile bilind di Koşka Sipî de ji ajansa Reuters re ragihand, ku hefteya derbasbûyî Trump bi riya telefonê pirsa nasandina Orşelîm weke paytexta Israîlê, li gel her yek ji Serokê Filestînê û Şahê Urdinê gotûbêj kiriye.

Ji aliyê xwe ve şêwirmend û zavayê Trump Jared Kushner ragihand, ku hîn Trump biryara dawî li ser vê mijarê nedaye.