Îran hewara xwe dibe Netewên Yekgirtî

K24 - Navenda Nûçeyan.

Îran daxwazê ji Netewên Yekgirtî dike, ku alîkariya wê bike û dorpêça Amerîkî ji ser wê hilweşîne.

Nûnerê Îranê di Netewên Yekgirtî de Xulam Elî Xuşrû ragihand, ku dorpêçên Amerîka li ser welatê wî tekalî û neyasayî ne û daxwaz ji Netewên Yekgirtî û rêxistinên navdewletî kir, ku dorpêç û sizayên Amerîkî ji ser Îranê rakin.

Xuşrû di nameya xwe de ji Sikirtêrê Giştî yê Netewên Yekgirtî Antonyo Goteres re ragihand, ku biryarên Amerîka ji derveyî yasayên navdewletî ne û pêwîst e Netewên Yekgirtî li dijî wan sizayan raweste.

Herwiha navhatî daxwaza helwesteke ciddî beramber dorpêç û sizayên Amerîka kir, ku duh 5ê Mijdarê, li dijî Îranê hatin sepandin.

N.O