Rêvebiriya Xweser 10 xalên ji bo diyalogê bi rejîmê re destnîşan kirin
K24 – Navenda Nûçeyan
Hin xalên belgenameya ku Rêveberiya Xweser a Demokratîk ji bo hevdîtinên bi rejîma Sûriyê re amade kirin e, di medya nêzîkî Rêvebiriya Xweser de hatin weşandin. Ew 10 xal ên ku hatine ragihandin ev in:
- Yekitiya axa Sûriyê.
- Sîstema Sûriyê dê sîstemeke komarî ya demokratîk be, rêveberiyên xweser beşek ji vê sîstemê ne.
- Dê nûnerên rêveberiya xweser di parlemana navendî ya li Şamê de hebin.
- Li kêleka ala Sûriyê dê alên rêveberiyên xweser jî hebin.
- Xebatên dîplomasiyê li herêmên rêveberiyên xweser bi awayê ku ne li dijî berjewendiyên gelên Sûriyê û ne li dijî makezagonê (destûr) bin, bêne birêvebirin.
- Hêzên Sûriya Demokratîk (QSD) beşek ji artêşa Sûriyê ne, ew berpirsê parastina sînorên Sûriyê ne.
- Hêzên Ewlehiya Hundirîn li herêmên rêveberiyên xweser, girêdayî meclisên herêmî dixebitin, bi awayê ku ne li dijî makezagona Sûriyê be.
- Li herêmên rêveberiyên xweser zimanê dayikê zimanê perwerdeyê ye, zimanê fermî jî li Sûriyê erebî ye.
- Li herêmên rêveberiyên xweser li fakulteyên dîrok, çand, ziman û wêje û beşên girêdayî wan, zimanê perwerdeyê dê zimanên herêmî bin.
- Xêr û bêrên (dewlemendÎ) Sûriyê bi awayekî dadmend li herêman bêne belavkirin.
C.B