Mesrûr Barzanî: Pêwendiyên Hewlêr - Bexdayê vekirina rûpeleke nû ye
K24 – Navenda Nûçeyan
Şêwirmendê Encûmena Asayişa Herêma Kurdistanê Mesrûr Barzanî di civînekê ligel Balyozê Brîtanya li Iraqê Jon Wilks de qonaxa nû ya pêwendiyên di navbera Hewlêr û Bexdayê de bi vekirina rûpeleke nû binav kir.
Îro Şêwirmendê Encûmena Asayişa Herêma Kurdistanê Mesrûr Barzanî pêşwazî li Balyozê Brîtanya li Iraqê Jon Wilks û şanda pê re kir.
Di hevdîtinê de ku Konsolê Giştî yê Brîtanya Martin Warr amade bû, dawî pêşhatên navçê û hewl û pêngavên pêkanîna hikûmeta nû ya Herêma Kurdistanê û qonaxa nû ya pêwendiyên Hewlêr û Bexdayê hatin guftûgokirin.
Mesrûr Barzanî qonaxa nû ya pêwendiyên di navbera Hewlêr û Bexdayê bi vekirina rûpeleke nû zanî û hêvî xwast di rojên nêzîk de bi girtina ber a diyalog û guftûgoyên aveker pirsgirêkên mane bêne çareserkirin û zemîne bo çespandina aştî û pêşxistina welat û dabînkirina xizmetguzariyên bingehîn bê amadekirin.
Balyozê Brîtanyayê ji bilî pîrozbahîkirina li Mesrûr Barzanî bi boneya kandîdkirina ji posta Serokatiya Hikûmeta Herêma Kurdistanê, hêviya serkeftinê jê re xwast û tekezî li ser wê yekê kir, ku welatê wî hevkar dibe ji bo Herêma Kurdistanê avedankirin û pêşketina zêdetir bibîne.
S. B