Çayxaneya Nicmê, kevintirîn çayxaneyên

K24 – Qamişlo

Yek ji kevintirîn çayxaneyên bajarê Qamişlo ku temenê wê nêzî 70 sal in, çayxaneya Nicmê ye. Piştî 25 salan ji avakirina bajarê Qamişlo, ev çayxane hatiye avakirin û piraniya pêkhatên li deverê serdana wê di kin û ji ber wê jî gelek çêrok û çîvanok bi xelkên deverê re çê bûne û piraniya kesên serdana wê dikin kesên temen mezin in û bi vexwarina qehwê û çayê û lîstika pelikan demên xwe dibhûrînin. 

Xwedanê çayxaneyê ku ji pêkhatên xiristyane dibêje, gelek bîrhatinên xelkê bi çayxanê re hene û gelek kesên navdar ji hunermend û axayên devera Cizîrê serdana wê kirine. Herweha çayxaneya Nicmê ji kesên ku ji gundan serdana bajêr dikirin, mîna rawestgehekê di hate bi kar anîn.

Li gorî xwedanê çayxaneyê dibêje, rojane ji demjimêr 7 sibehê ta derengî şevê pêşwaziya xelkê dike û hin kes ji heyama zêdeyî 40 salî ve ji çayxanê qut nebûne.