Yekîtiya Ewropa ji Tirkiyê dixwaze yasaya terorê biguhere

Çawîşoglu: Me 72 mercên Yekîtiya Ewropayê bicî kirine û divê niha Yekîtiya Ewropayê vîzeyê rake.

Kurdistan24 Hewlêr 2018/02/17 08:45

tirkiyê Tirkiye Yekîtiya Ewropa Becîka Bulgarya Sofya

K24 - Navenda Nûçeyan

Wezîrên derve yên Yekîtiya Ewropayê li Bulgaristanê bajarê Sofya kom bûn û wezîrê Tirkiyê yê karûbarên Yekîtiya Ewropa Umer Çelîk jî beşdar bû.

Wezîrê derve yê Belcîkayê ragihand, ku pêwîst e Tirkiye yasaya xwe ya terorê biguherîne. Heger yasaya terorê ya Tirkiyê li gel bihayên Yekîtiya Ewropayê hevrêz bin, wê di mesela serbestkirina vîzeyan ji bo welatiyên Tirkiyê jî pêşveçûn çêbibin.

Ev demeke dirêj e Tirkiyê ji Yekîtiya Ewropayê dixwaze ku welatiyên Tirkiye bê vîze serdana Ewropa bikin, lê heya niha Yekîtiya Ewropa ew yek bicî nekiriye, berî niha jî wezîrê derve yê Tirkiye Mewlûd Çawîşoglu gotibû, wan 72 mercên Yekîtiya Ewropayê bicî kirine û divê niha Yekîtiya Ewropayê vîzeyê rake.