Nêçîrvan Barzanî û Erdogan tekeziyê li ser pêwendiyên dostane dikin

K24 – Navenda Nûçeyan

Li gor nûçeya malpera fermî ya Hikûmeta Herêma Kurdistanê, duhî Serokwezîrê Herêma Kurdistanê Nêçîrvan Barzanî û Serokomarê Tirkiyeyê Recep Teyip Erdogan li Enqerê hevdîtineke kurt encam dan û her du aliyan tekezî li ser pêşdebirina têkeliyên dostane yên navbera Tirkiye û Herêma Kurdistanê de kirin.  

Her di perawîza rêwresma destbikarbûna Serokomartiya Tirkiyê de, Nêçîrvan Barzanî ligel her yek ji serokomarê berê yê Tirkiyê Abdulah Gul, Abdula Gul serkomarê berê yê Tirkiyeyê. Serokwezîrê Tirkiyê Binalî Yildirm, Serokê Sudanê, Mîrê Qeterê, Serokwezîrê Filestînê, Serowkezîrê Teteristanê, şandeya Komara Îslamî ya Îranê, şandeya Montenegro, şandeya Îtaliyayê, şandeya Azirbaycanê, Wezîr Derve yê Tirkiyê û Wezîrê Enerjiyê hevdîtin encam dan.

Serokwezîrê Herêma Kurdistanê Nêçîrvan Barzanî, roja 09.07.2018 li Anqereyê, li ser vexwandina fermî ya Serokomarê Tirkiyê Recep Teyip Erdogan ligel hejmarek ji serok, serokwezîr û berpirsên pilebilind ên welatên cîhanê beşdarî di merasima destbikarbûna Erdogan weke Serokomarê Tirkiyeyê de kir.

Peyvdarê Hikûmeta Herêma Kurdistanê Sefîn Dizeyî di dema gihîştina şanda Herêma Kurdistanê bo Enqerê ji K24ê re ragihandibû, ev serdan vekirina rûpeleke nû di navbera Herêm û Tirkiyê de ye.

Sefîn Dizeyî aşkere kir jî, biryar e îro Serokwezîrê Herêma Kurdistanê bi serdanekê biçe welatên Ewropayê.

S. B