Çîn: Avakirina Sûryê ne di destê welatekî yan du welatan de ye

K24 - Navenda Nûçeyan.

Şanderê taybet ê Çînê ji bo Sûrya (Shiya Shiyaw Yan) ragihand, ku jinûavakirina Sûryê bi piroseya siyasî ve girêdayî ye.

Shiya Shiyaw Yan diyar kir, ku dubare avakirina Sûryê, tenê piştî rawestandina şer û peydabûna aramiyê, destpê dike.

Bi gotina şanderê Çînê: Piroseya jinûavakirina Sûryê, ne mijara welatekî yan du welatan e, divê civaka navdewletî bi giringî li ser vê mijarê raweste.

Herwiha got: Niha karê sereke bidawîkirina şer û vegerandina aştî û aramiyê ye û piştre em karin behsa jinûavakirinê bikin.

Tekez jî kir, ku ti hêzeke welatê wî li Sûryê tine ye û Çîn tevlî ti şerî li wî welatî nabe.

Berî niha Rûsya dabû xuyakirin, ku nabe jinûavakirina Sûryê bi piroseya siyasî ve bê girêdan û vê yekê nakokî di navbera Mosko û Amerîka de çêkiribû.

N.O