Serokê Parlemana Îraqê Mihemed Helbûsî gihişt Hewlêrê

K24 – Navenda Nûçeyan

Serokê Parlemana Îraqê Mihemed Helbûsî gihişt Hewlêrê û ligel berpirsên bilind ên Herêma Kurdistanê dicive.

Mihemed Helbûsî çend rojan li Herêma Kurdistanê dimîn e, û biryar e di vê demê de ligel berpirsên bilind ên Herêma Kurdistanê bicive.  Nûçegîhanê Kurdistan24 Zerdeşt Hemê ragihand ku, Wezîrê Navxweyî yê herêma Kurdistanê Kerim Sincarî, Serokê fraksiyona PDK li Parlemana Kurdistanê Hêmîn Hewramî, Parêzgarê Hewlêrê Newzad Hadî û ji Dîwana Serokatiya Herêma Kurdistanê Omêd Sebah ligel şanda pêşwaziyê, pêşwaziya Helbûsî kirin.

Omêd Sebah ji Dîwana Serokatiya Herêma Kurdistanê ji Kurdistan 24 re ragehand ku serdana Serokê Parlemana Îraqê Mihemed Helbûsî ji bo Hewlêrê serdaneke fermî ye, û ligel serok Barzanî dicive û  li Dihokê beşdariyê di marasîmeke taybet ya Kurdên Êzîdî dike.Herweha biryar e serokê Parlemana Îraqê serdana Parêzgeha Dihokê û Perestgeha Laleşê jî bike.

Ev seredana duyem a Seroka Parlemana Iraqê ji bo herêma Kurdistanê ye.

C.B