Serkirdeyê PDK-Sê ya li Efrînê careke din hate binçavkirin

K24 – Navenda Nûçeyan

Asayişa Rojava li Efrînê bi ser mala endamê Komîta Navendî ya Partiya Demokrata Kurdistanê (PDK-S) Ebdilrehman Apo de girt û ew binçav kirin.

Nivîsgeha Ragihandinê ya PDK-Sê li Efrînê daxuyaniyek belav kir û da zanîn ku şeva borî asayişa Efrînê bi ser mala endamê Komîta Navendî ya PDK-Sê Ebdilrehman Apo de girt û ew binçav kirin û kompiyoter û 2 mobilên wî jî birin.

PDK-Sê ev kiryara asayişa Efrînê şermezar kir û ragihand, di demekê de daxwaza yekrêziya Kurd tê kirin, desthilata ku li Efrînê heye, endam û serkirdeyên ENKSê û partiyên di nava wê binçav dike.

Ev ne cara yekem e Serkirdeyê di PDK-Sê de Ebdilrehman Apo ji aliyê hêzên ser bi Rêveberiya Xweser ve tê girtin, bêhtir ji 5 caran e hatiye binçavkirin û her carê bêhtir ji 4 mehan di girtîgehên Rêveberiya Xweser de dimîne.