Zaxarova: Hîn zelal nebûye wê kîjan aliyê Kurdî beşdarî Sochi bibe
K24 - Navenda Nûçeyan
Peyvdara wezareta derve ya Rûsya Maria Zaxarova ragihand, Mosko çalakane kar ji bo amadekariyên kongirê Sochi dike û hîn ne xuya ye wî kîjan aliyê Kurdî beşdarî wî kongirî bibe.
Maria Zaxarova di bersiva xwe de li ser pirseke Kurdistan24ê got: Hîn diyar nebûye, gelo wê tevahiya partiyên Kurdî bên vexwendin yan na.
Piştî ku hersê welatên gerentîkar (Rûsya, Îran, Turkya) heştemîn civîn li Astana encam dan, biryar hat stendin ku dawiya vê mehê, rojên 29 û 30ê Çille 2018, li bajarê Sochi kongirê Diyaloga Niştimanî Sûrî bê lidarxistin.
Derbarê vexwendina nûnerên Kurdan ji bo wî kongirî, Tirkiyê li ser vexwendina PYD nerazî ye û dide xuyakirin ku ew qebûl nakin PYD amade bibe û didin xuyakirin ku PYD ser bi PKK ve ye, lewra ew PYD û kesatiyên ser bi wê ve qebûl nake, lê beramberî wê yekê qebûl dike nûnerên Kurdan amade bibin bi mercê ku pêwendiyên wan bi PYDê re tine bin.