Siyasî

Nûçeya desteserkirina Pêşmergê Xwebexş yê Xurmatû hat redkirin

Pêşmergên xwebexşên Xurmatû, hişyarî ji bikaranîna amêrên pêwendîkirinê didin, ji ber ku bi riya wan amêran cihên wan tên eşkerekirin

Kurdistan24 Hewlêr 2017/12/15 10:03

kurdistan

K24 - Navenda Nûçeyan

Hin rûpelên Facebookê yên ser bi Heşda Turkmanî ve li Xurmatû, belav kirine ku çekdarên wan, Pêşmergeyê xwebexş yê Xurmatû Asî Qewalî desteser kirine, lê çalakvanên Kurd û xwebexşên Kerkûk û Xurmatû ew nûçe red kirin û tekez kirin ku ew Pêşmergeyê xwebexş nehatiye girtin.

Hevdem Pêşmergên xwebexşên Xurmatû, bi riya tora civakî ya Facebookê hişyarî dane ji bikaranîna amêrên pêwendîkirinê û ragihandin, ku bi sedema bikaranîna mobayl û hêleke pêwendîkirinê, cihên 15 xwebexşên wan ji aliyê milîsên Iraqî ve hat eşkerekirin û di encamê de ew 15 xwebexş hatin girtin.