Efrîn.. Grûpên çekdar 3 endamên Partiya Pêşverû binçav dike

K24 – Navenda Nûçeyan

Grûpên çekdar ên li Efrînê 3 endamên Partiya Demokrat a Pêşverû ya Kurd li Sûriyê (Pêşverû) binçav dike.

Polîtburoya Pêşverû di daxuyaniyekê de ragihand, ji 3ê vê mehê ve grûpeke çekdar li Efrînê 3 endamên wê partiyê yên bi navên Hişmend Menan Şêxo, Ebdilhemîd Ehmed Silêman û Necîb Mihemed Ebdo bê ku çi bihaneyek hebe, binçav kirin.

Polîtburoya Pêşverû di daxuyaniyê xwe de daxwaza azadkirina endamên xwe kir. Hevdem daxwaz ji dewleta Tirkiyê kir ku li gor yasa û belageyên navdewletî bi erkên xwe wek dewleteke dagîrker rabe û jiyana welatiyan biparêze.

Artêşa Tirkiyê û çekdarên opozîsyona Sûriyê di 18ê Adara bûrî de derbasî Efrînê bûn û dagîr kirin, ji wê demê ve jî bi hezaran welatiyên sivîl tên girtin û eşkencedan.

S. B