Siyasî

Ewlehiya rêjîma Sûryê kesatiyeke Kurd li bajarê Hesekê desteser kir

Mele Mihemedê Xerzanî vê sibehê serdana Rêveberiya Koçberî û Pasportan ya bajarê Hesekê kiribû, daku pasportekê ji neviyê xwe re derxîne, lê ji aliyê hêzên ewlehiya Sûryê ve hat girtin.

Kurdistan24 Hewlêr 2018/10/22 12:31

kurdistan Rojavayê Kurdistanê Hesekê Qamişlo Rêjîma Sûryê

K24 - Navenda Nûçeyan.

Mefrezeya Ewlehiya Siyasî ya rêjîma Sûryê li bajarê Hesekê yê Rojavayê Kurdistanê, kesatiya navdar a Kurd û zanayê olî Mele Mihemed Mele Reşîdê Xerzanî desteser kir.

Jêderên nêzîkî Mele Mihemed diyar kirin, ku vê sibehê navhatî serdana Rêveberiya Koçberî û Pasportan a bajarê Hesekê kiribû, daku pasportekê ji neviyê xwe re derxîne, lê ji aliyê hêzên ewlehiya siyasî ve hat girtin û heya niha çarenivîsa wî nediyar e.

Mele Mihemedê Xerzanî, pêşnimêjê Mizgefta Bedir e li taxa Hilêliyê li bajarê Qamişlo yê Rojavayê Kurdistanê û weke kesatiyeke Kurdperwer tê naskirin û di sala 2005an de, berdewam li gel Şêxê Şehîd Maşûqê Xiznewî bû û li gel wî beşdarî di hemû cejn û merasîmên Kurdî de dikir.

N.O