Siyasî

"Amerîka pişta Tirkiyê digire û a YPGê berdide"

Washington Post: Du komîteyên taybet yên Amerîka û Tirkiyê, wê li Washingtonê bicivin û behsa çawaniya kişandina YPGê ji Minbic bikin.

Kurdistan24 Hewlêr 2018/03/12 07:44

kurdistan Minbic Amerîka YPG HSD Hevpeymana Navdewletî Tirkiye

K24 - Navenda Nûçeyan

Amerîka ji bo pêwendiyên xwe li gel Tirkiyê xweş bike, fişaran li YPGê dike, ku şervanên xwe ji Minbic bikişîne.

Li gorî raporeke rojnameya Washington Post ya Amerîkî, berpirsên Amerîkî û Tirkî ji wê rojnameyê re dane xuyakirin, ku herdu alî dest bi bizavan kirine ku pêwendiyên Enqere û Washingtonê xweş bikin û yekem pêngav ji bo normalkirina wan pêwendiyan ew e, ku Amerîka fişarê YPGê bike daku şervanên xwe ji Minbic bikişne, ku ev yek xaleke serekî bû di nakokiyên di nav Amerîka û Tirkiyê de.

Herwiha rojnameyê eşkere kir, ku di çend rojên hatî de, du komîteyên taybet yên Amerîka û Tirkiyê, wê li Washingtonê bicivin û behsa çawaniya kişandina YPGê ji Minbic bikin.

Di sala 2016an de, bajarê Minbic ji aliyê Hêzên Sûrya Demokrat ve û bi piştevaniya Hevpeymana Navdewletî, ji destê çekdarên DAIŞê hat derxistin û ji wê demê ve, Tirkiyê daxwaza derketina şervanên HSD û YPG ji wî bajarî dike.

N.O