Kurdistan Barzanî pêşwazî li Şêwirmendê Asayişa Niştimanî ya Iraqê kir

Barzanî pêşwazî li Şêwirmendê Asayişa Niştimanî ya Iraqê kir
Serokê Herêma Kurdistanê Mesûd Barzanî û Şêwirmendê Asayişa Niştimanî ya Iraqê Falih Feyaz / Hewlêr 15 Gulana 2017

K24 – Navenda Nûçeyan

Serokê Herêma Kurdistanê Mesûd Barzanî pêşwazî li Şêwirmendê Asayişa Niştimanî ya Iraqê Falih Feyaz kir û herdu aliyan tekezî li ser berdewamiya hevahengiyê di navbera Pêşmerge û artêşa Iraqê de di vê qonaxê de kirin.

Di hevdîtinê de behsa dawî pêşveçûnên şerê li dijî teroristên DAIŞê LI Mûsilê û navçeyên din yên Iraqê kirin. Herwiha serkeftina hêza Pêşmerge û artêşa Iraqê bilind nirxandin.

Di beşeke din ya hevdîtinê de, pêwendiyên di navbera Herêma Kurdistanê û Bexdayê de gotûbêj kirin û tekezî li ser hevahengiya di navbera hêzên Pêşmerge û artêşa Iraqê di vê qonaxê de kirin.