John Bolton: Divê civaka navdewletî guhê xwe bide daxwazên Kurd

K24 – Navenda Nûçeyan

Balyozê berê yê Amerîka li Netewên Yekgirtî John Bolton derbarê birêvebirina referandûma serxwebûna Kurdistanê de ragihand, ew piştevaniyê li gava Herêma Kurdistanê dike û dibêje dema wê hatiye ku gelê Kurdistanê dengê xwe bigihîne cîhanê û divê civaka navdewletî guhê xwe bide daxwazên Kurd.

John Bolton ji K24ê re got: “Piştevaniyê li vê gava Kurd dikim ku referandûmê bi rê ve bibe, di baweriya min de dema hatiye ku gelê Kurd dengê xwe bigihîne cîhanê û divê civaka navdewletî guhê xwe bide daxwazên. Pêwîst e cîhan rêzê li encamên referandûmê bigire. Wezareta Derve ya Amerîka her dem ligel yekperçeyîya Iraq bû, lê di rastiyê de yekperçeyîya Iraqê nemaye û Kurd ji zû ve serbixwe ye.”