Li Xarpêtê leşkerek hate kuştin
K24 – Navenda Nûçeyan
Li navçeya Depê ya Xarpêtê li Bakurê Kurdistanê, di navbera hêzên Artêşa Tirk û gerîlayên PKKê de şer derket. Di encamê de leşkerek hat kuştin, 1 leşker jî birîndar bû.
Li bejahiya navbera Çewlîg û navçeya Depê ya Xarpêtê, leşkerên ku derketibûn operasyonê, ketin kemîna gerîlayên PKKê.
Li gor agahiyên destpêkê, di êrişê de, leşkerek hat kuştin, leşkerek jî birîndar bû. Şer û pevçûn demek dirêj berdewam kir.
Hat ragehandin, bo herêma şer leşkerên zêdetir hatin veguhestin û li deverê operasyona Artêşa Tirk berdewam dike.