Hevkariya Islamî Rojhilatê Orşelîmê wekî paytexta Filistinê pejirand
K24 – Navenda Nûçeyan
Civîna Rêxistina Hevkariya Îslamî bidawî bû û Rojhilatê Orşelîmê wekî Paytexta Dewleta Filîstînê hate ragihandin.
Îro li bajarê Stenbolê Civîna Rêxistina Hevkariya Îslamî birêve çû û ji 56 welatên endam tenê 16 Serok beşdarê Lûtkeyê bûn. Di encamnameya civînê de Rêxistina Hevkariya Îslamî ragihand ku, Rojhilatê Orşelîmê Paytexta Dewleta Filîstînê ye û di bin dagirkeriya Îsraîlê de ye. Lûtke herwiha bang li Neteweyên Yekgirtî jî kir ku, bila dawî li dagirkeriya Îsraîlê bîne û piştgiriya statûya yasayî ya Orşelîmê bike. Daxûyaniya Trump nîşan dide ku, Amerîka ji rola xwe ya aşîtîxwaziyê vekişiyaye.