Erê Şaredariya Enqere piştî 15 salan dê bikeve destê hevrikê AK Partîyê?

Li metropolên Tirkiyê, bi nêzîkbûna hilbijartina şaredariyan a 31ê Adarê rikeberiya partiyên siyasî jî zêdetir dibe. Yek ji wan jî paytexta vî welatî Enqere ye ku ji hêla partiyên siyasî ve gelek krîtîk tê dîtin. Şaredariya Enqereyê ev 15 sal e ji aliyê partiye deshilatdar AK Partî ve tê bi rêvebirin. Lê li gor gelek lêkolîner û berpirsên kompaniyên rapirsiyê, ji ber krîza aborî û bi piştgiriya alîgirên HDP, piştî 15 salan bi îhtîmaleke mezin namzetê CHPê li Enqereyê dê bi ser keve.

K24- Enqere

Li metropolên Tirkiyê, bi nêzîkbûna hilbijartina şaredariyan a 31ê Adarê rikeberiya partiyên siyasî jî zêdetir dibe. Yek ji wan jî paytexta vî welatî Enqere ye ku ji hêla partiyên siyasî ve gelek krîtîk tê dîtin. Şaredariya Enqereyê ev 15 sal e ji aliyê partiye deshilatdar AK Partî ve tê bi rêvebirin. Lê li gor gelek lêkolîner û berpirsên kompaniyên rapirsiyê, ji ber krîza aborî û bi piştgiriya alîgirên HDP, piştî 15 salan bi îhtîmaleke mezin namzetê CHPê li Enqereyê dê bi ser keve.

Ji bo hilbijartinên şaredariyan a 31ê Adarê ku li Tirkiyê û bakurê Kurdistanê wê pêk were ji hefteyekê kêmtir ma. Li giştiyê bajarên ji aliyê kompaniyên rapirsiyê ve Kurdan serkeftina namzetên HDPê tên destnîşankirin. Li bajarên mezin ên Tirkiyê jî rikeberiyek mezin di navbera partiyên siyasî de hene. Li 3 metropolan jê 2 Stenbol û Enqere niha di destê AK Partî de jê yek Îzmîr di destê CHPê de ye. Lê li gor giştiyê rapirsiyan di vê hilbijartinê de bi îhtîmaleke mezin Enqere wê bikeve destê CHP.

 

Hîlmî Daşdemîr-Lêkolîner, dibêje: Gava namzetên bo Enqereyê hat eşkerekirin, encam jî diyar bû. Ji ber ku namzetê AK Partî ji derveyî Enqereyê ye serkeftina wî zehmet xuya dike. Li gor lêkolîna me li Enqereyê ku namzetê HDP nîn e ji%40ê dengdêrên HDP wê dengê xwe bidin Mansur Yavaşê CHPê. Ji %10ê dengdêrên HDP jî wê dengê xwe bidin Mihemed Ozhasekî yê namzetê AK Partiyê ye. Niha CHP li vî bajarî di pêş de xuya dike.

 

Li paytexta Tirkiyê Enqere ku mezintirîn bajarê duyemîn ê vî welatî tê zanîn ji zêdeyî 3 milyon û 900 hezar dengdêr û 25 navçe hene. Ji wan navçeyan 21 di destê AK Partiyê de de û 2 di destê CHPê de ne 2 jî di destê MHPê de ne.

 

Numan Baktaş-Lêkolîner, dibêje: Li gor hin kompaniyan, namzetê CHPê bi çend puan di pêş de tê nîşandan. Lê li gor lêkolîna me namzetê CHPê, li Enqereyê bi rêjeyeke zêdetir bi ser dikeve. Sedema vê jî piştgiriya alîgirên HDP û krîza ekonomî ye ku ev bandoreke mezin li ser helwesta dengdêran dike. Her wiha hejmara şaredarên CHPê ku li vî bajarî 2 ne wê di vê hilbijartinê de çend şaredariyên nû lê zêde bibin.

 

Di hilbijartina şaredariyan a dawî ya sala 2014an de li Enqereyê rikeberiyeke dijwar di navbera her du aliyan de rû da bû. Rêjeya AK Partiyê wek ji sedî 44.82 ya CHPê wek ji%43.82 hatibû ragihandin.