Îranê deverên sînorî yên herêma Kurdistanê topbaran kir

K24 – Navenda Nûçeyan

Demjimêr 3 ê piştî nîvroya îro topxaneya Îranê bi giranî navçeyên sînorî yên başûrê Kurdistanê li sînorê gundê Gundejor ê ser bi bajarokê Hacî Omeran topbaran kir.

Topbaran li ser zozanên Gomehîşk, Kanî Sork, Xreberd û Bnara Çyayê Çîxîder li sînorê gundê Gundejor hat kirin, ku hejmarek zêde ya koçeran bi mebesta çêrandina pezên xwe li wê deverê bicih bûn e. Topbaran ji bo yek demjimêrê berdewam kir, tevî ku zyanên canî yên topbaranê nebûn, lê nêzîkî 100 malên koçeran ji tirsa topbaranê ew navçe bicih hiştin.

Topbarana topxaneya Îranê di demekê de ye, ji meha Tebax a sala borî ve, tu bingeh û baregeh û liv û tevgera Partiyên rojhilata Kurdistanê piştî şehîdbûna dû welatiyan û brîndarbûna dû welatiyên din, ku her çar bira bûn û xelkê gundê Gundejor bûn, li navçeyên sînorî yên wî gundî nayê dîtin.

C.B