Barzanî: Bazarkirinê li nasnameya Kerkûkê nakin
K24- Navenda Nûçeyan
Serokê Herêma Kurdistanê Mesûd Barzanî di civînekê de ligel Parêzgarê Kerkûkê û nûnerên tevahiya pêkhateyên netewî yên kerkûkê ragihand, “biryara encamdana refeandûmê piştî wê yekê hat, ku hemû rê ligel Bexdayê hatin ezmûnkirin, lê tevahiya wan bizavan jî biser neketin.”
Herweha ragihand, referandûm ji bo wê yekê ye, ku rê li ber kêşe û aloziyên bêtir bigre li navçeyê, ne ku aloziyan bêtir bike.
Serok Barzanî got: “Pêwîst e Kerkûk weke nimûneyeke pêkvejiyanê di navbera pêkhateyên netewî de bimîne.”
Her di wê civînê de, Barzanî tekez kir, dê hertim Kerkûk parastî be û Pêşmerge dê Kerkûkê biparêzin.
Li ser pirsa paşxistina referandûmê, Barzanî tekez kir, ti hikmetek di paşxistina referandûmê de tune û referendum dê di dema xwe de bê encamdan û piştî referandûmê, wê danûstendin li gel Bexdayê bên destpêkirin.
Serok Barzanî got jî: “Heger madeya 140î ya destûra Iraqê bihata bicîkirin, dê pirsgirêk hatibana çareserkirin, niyeza şer li cem me tune ye, lê mafê berxwedanê ji me re heye û ew aliyên dixwazin agirê şer pêxînin, divê ew li bendî bersivê bin.”
Barzanî balkişand ser destûra Iraqê û got: “Di destûra Iraqê yekîtî girêdayî bicîkirina destûrê ye, û pêkvejiyan jî bi dilxwestinê ye.”
Barzanî behsa wê yekê kir, ku Kerkûk û xelkê wê biryara xwe didin û ti kes nikare xwe li ser Kerkûkê û pêkhateyên netewî ferz bike.