Trump: Ji bo serbestberdan a Brunson me gelek kar kir

K24 – Navenda Nûçeyan

Piştî biryara dadgeya Tirkiye ku keşe Andrew Brunson bê serbest berdan, û qedexeya derketina derveyî Tirkiye rabû, Serokê Amerikayê Donald Trump bi twittekê kêfxweşiya xwe anî ziman.

Trump di twit a xwe nivîsî: “Ji bo serbestberdan a Keşe Brunson me gelek kar kir. Hestên min ligel Keşe Brunson in. Hêvîdar im di demek gelek nêzîk de dê vegere mala xwe.”

Keşe Brunson piştî girtina xwe ya 2 salan, îro bi biryara dadgeha Tirkiye serbest hate berdan. Girtina wî aloziyek mezin di navbeyna Enqere û Waşingtonê de peyda kiribû. Amerika dorpêç liser Tirkiye sepandibûn, ku bandorek xerab li Tirkiye û Lire yê Tirkiyê kiribû.

Herweha medya Amerika nivîsandibû ku, Tirkiye dê nikaribe rewşa girtîbûn a Brunson berdewam bike û ew dê serbest bê berdan…

C.B