Dest bi yekxistina yekîneyên 70 û 80 yên Pêşmerge dibe

K24 – Navenda Nûçeyan

Cîgirê Supasalarê Pêşmerge ragihand, di çarçova proseya çaksaziyê ya Wezareta Pêşmerge de, dest bi yekxistina her du yekîneyên 70 û 80 yên Pêşmerge dibe.

Cîgirê Supasalarê Pêşmerge Lîwa Salar Cebarî ji K24ê re ragihand, biryarek ji Wezareta Pêşmerge heye, ku di çarçova projeya çaksaziyê de, her du hêzên Pêşmerge di çarçova Lîwayan de bibine yek.

Da zanîn jî, niha wê proseyê dest pê kiriye û hemû hêzên yekîîneyên 70 û 80 dibin yek û wek çawa di demên bûrî de 14 lîwayên hatine dirustkirin, ew jî dibin lîwa.

Malpera fermî ya Partiya Demokrat a Kurdistanê (PDK) li ser zarê wî berpirsê Pêşmerge belav kiriye, dibêje: “Niha ji hêzên Felek dest pê kirine û her sê Focên Perwerde û Rahênanê dest pê bûye û piştre dibin yek Lîwa.”

Lîwa Salar Cebarî dibêje: “Yekxistina tevahiya hêzên 70 û 80 dem pê pêwîst e, lê bi berdewamî kar ji bo tê kirin û qonax bi qonax berdewam dibe, ta tevahiya hêzên wan bibin yek. Hêza Pêşmerge jî bi tevahî di çarçoveya Lîwawayan de dibe yek hêz.”

Yekîneya 70 a hêza Pêşmerge ser bi Yekîtiya Niştimanî ya Kurdistanê (YNK) ve ye û Yekîneya 80 jî ser bi Partiya Demokrat a Kurdistanê (PDK) ve ye, niha di çarçova proseya çaksaziyê ya Wezareta Pêşmerge gavên yekgirtina wan di yek hêzê de tên avêtin.

S. B