Êlên Deşta Nînewa dixwazin Pêşmerge û hêzên Amerîkî navçeyên wan biparêzin

Muzahim Hiwêt: Tenê hebûna hêzên Amerîkî û hêzên Pêşmerge li Nînewa, dihêle ku erebên wê navçeyê hest bi aramî û ewlehiyê bikin.

K24 - Navenda Nûçeyan

Ajansa nûçeyên Almanî DPA belav kiriye, ku êlên ereb li parêzgeha Nînewa, daxwaz dikin ku hêzên Amerîkî û hêzî Pêşmerge li navçeyên wan bên belavkirin.

Peyvdarê êlên ereb yên Deşta Nînewa Muzahim Hiwêt, ji wê ajansê re gotiye: "Em pêşwaziyê li belavbûna hêzên Amerîkî li navçeyên cihê nakokiyê dikin û ew aliyên gefê şer li hêzên Amerîkî dikin, ser bi Îranê ve ne û armanca wan ew e ku tevliheviyê li wan navçeyan çêkin".

Peyvdarê êlên ereb yên Deşta Nînewa-Muzahim Hiwêt
Peyvdarê êlên ereb yên Deşta Nînewa-Muzahim Hiwêt

Hiwêt tekez kir ku "Tenê hebûna hêzên Amerîkî û hêzên Pêşmerge li Nînewa, dihêle ku erebên wê navçeyê hest bi aramî û ewlehiyê bikin, ji ber ku ti aramî û ewlehî di bin desthilata milîsên taifî de peyda nabe".