وێنە.. ئەو درێسەی تەنیا بە سێ خولەک هەزاران دانەی لێ فرۆشرا

تەنیا بە ماوەی سێ خولەک درێسی هەڵبژاردەی نەیجیریا بۆ مۆندیالی 2018 فرۆشرا.
لە بەردەم کۆگایەکی کۆمپانیای نایکی تایبەت بە کەلوپەلی وەرزشی ئێوارەی رۆژی هەینی هەزاران هاندەر کۆببوونەوە لەپێناوی ئەوەی درێسە نوێیەکەی نەیجیریا بۆ مۆندیالی2018 بکڕن، کە بەگوێرەی فیدراسیۆنی تۆپی پێی نەیجیریا زیاتر لە سێ ملیۆن کەس داوای درێسەکەیان کردبوو.
بەگوێرەی میدیا بەریتانییەکان تەنیا بە ماوەی سێ خولەک سەرجەم ئەو درێسانە فرۆشران کە لە شەقامی ئۆکسفۆرد لە لەندەن خرابوونە روو.
درێسی نەیجیریا بۆ مۆندیالی 2018 کە ئەمشەو بەرامبەر ئینگڵاند یەکەم یاریی فەرمی پێ ئەنجام دەدات، لەلایەن کۆمپانیای نایکییەوە دروستکراوە و بە جوانترین درێسی هەڵبژاردەکانی مۆندیالی 2018 دادەنرێت.