باشووری کوردستان
شەپۆلێكی دیكەی بارانبارین ھەرێمی كوردستان دەگرێتەوە
K24 - ھەولێر
بە گوێرەی پێشبینیەكانی كەشناسی شەپۆلێكی دیكەی بارانبارین ھەرێمی كوردستان دەگرێتەوە و چەند رۆژێك بەردەوام دەبێت.
فازڵ ئیبراھیم، بەڕێوەبەری بەڕێوەبەرایەتی كەشناسی و بومەلەرزەزانی ھەرێمی كوردستان بە كوردستان24 راگەیاند: "لە نیوەڕۆی رۆژی پێنج شەممەوە شەپۆلێكی بارانبارین روو لە ناوچەكانی ھەرێمی كوردستان دەكات، دەتوانین بڵێین شەپۆلێكی مام ناوەند دەبێت، بارانبارینی مامناوەند و پچڕ پچڕ دەبێت".
گوتیشی: "ئەو شەپۆلە بارانبارینە تا رۆژی یەكشەممە بەردەوام دەبێت و پلەكانی گەرما روو لە دابەزین دەكەن لەناوچە شاخاوییەكان رێژەی بارانبارین زیاتر دەبێت".
ئاماژەی بەوەشدا: "رێژەی بارانبارینی ئەمساڵ بەراورد بە ساڵی پار، بارانبارینی ئەمساڵ لەناو شارەكان چوار بەرامبەر زیاتر بایووە".
نەخشەی ماڵپەر | سیاسەتی پاراستنی نهێنییەکان | دەربارەی ئێمە | پەیوەندیی | هەلی کار
نەخشەدانان و جێبەجێکردن لە لایەن ئەوڕۆسۆفت (ئەی.پی)
