دڵشاد شه‌هاب: حكومه‌ت داواى يه‌كڕيزى له لايه‌نه سياسييه‌كان ده‌كات
K24 – هه‌ولێر:
دڵشاد شه‌هاب، راوێژكارى سه‌رۆك وه‌زيرانى هه‌رێمى كوردستان رايگه‌ياند، سه‌ردانى شاندى حكومه‌ت بۆ لاى لايه‌نه سياسييه‌كان به‌رده‌وام ده‌بێت به مه‌به‌ستى دۆزينه‌وه‌ى رێگه‌چاره‌ى سياسى بۆ كێشه‌كان و يه‌كخستنى هه‌وڵه‌كان بۆ ده‌ربازبوون له قه‌يرانه‌كان. روونيشيكرده‌وه، له ميانى سه‌ردانى شاندى حكومه‌ت بۆ لاى يه‌كگرتووى ئيسلامى جه‌خت له‌سه‌ر چاره‌سه‌رى كێشه‌كان به گفتوگۆ كراوه‌ته‌وه.