به‌ ڤيديۆ.. تره‌مپ به‌ توندى پاڵ به‌ سه‌رۆك وه‌زيرانى مۆنتينيگرۆوه‌ ده‌نێت بۆ ئه‌وه‌ى خۆى بێته‌ پێشه‌وه‌

له‌ كاتى وێنه‌گرتن و چوونه‌ ژووره‌وه‌ى هۆڵى كۆبوونه‌وه‌كان تره‌مپ به‌ خێرايى دێت و به‌ توندى پاڵ به‌ سه‌رۆك وه‌زيرانى مۆنتينيگرۆوه‌ ده‌نێت
kurdistan24.net

K24 – هه‌ولێر:

سه‌رۆكى ئه‌مريكا دۆناڵد تره‌مپ به‌ شێوه‌يه‌كى توند پاڵ به‌ سه‌رۆك وه‌زيرانى مۆنتينيگرۆ دوشكو ماركۆڤيچه‌وه‌ ده‌نێت و خۆى دێنێته‌ پێشه‌وه‌.

له‌ ميانى كاره‌كانى كۆنگره‌ى لوتكه‌يى په‌يمانى باكوورى ئه‌تڵه‌سى، له‌ كاتى وێنه‌گرتن و چوونه‌ ژووره‌وه‌ى هۆڵى كۆبوونه‌وه‌كان تره‌مپ به‌ خێرايى دێت و به‌ توندى پاڵ به‌ سه‌رۆك وه‌زيرانى مۆنتينيگرۆوه‌ ده‌نێت و ده‌يه‌وێت خۆى بێته‌ پێشه‌وه‌ و ده‌ركه‌وێت.

وه‌ك له‌ ڤيديۆكه‌دا ده‌رده‌كه‌وێت تره‌مپ دواى ئه‌و كاره‌ى هيچ گوێ به‌ سه‌رۆك وه‌زيرانى مۆنتينيگرۆ نادات و داواى لێبوردنى لێ ناكات ده‌ست به‌ چاككردنى چاكێته‌كه‌ى ده‌كات.

يه‌كێك له‌ به‌كارهێنه‌رانى تۆڕى كۆمه‌ڵايه‌تى تويته‌ر له‌و باره‌يه‌وه‌ نووسيويه‌تى: ئه‌و ره‌فتاره‌ى تره‌مپ قۆناغى منداڵى قوتابخانه‌ى بيرخستمه‌وه‌ كه‌ منداڵه‌كان پاڵپاڵێنيان ده‌كرد بۆ ئه‌وه‌ى بچنه‌ ريزى پێشه‌وه‌ و بوه‌ستن.