رێكخەری نوێی بزووتنەوەی گۆڕان: بە یەكتر قبوڵكردن دەتوانین بنەماكانی دەوڵەت فەراھەم بكەین
K24 - ھەولێر
دوای ھەڵبژاردنی وەك رێكخەری بزووتنەوەی گۆڕان، لە كۆنگرەیەكی رۆژنامەوانیدا عومەری سەید عەلی رایگەیاند: "ناوچەكە رووی لە گۆڕانكاری گەورەیە و ئەركی گۆڕان گەورەتر بووە، جەخت لە یەكڕیزی گەلەكەمان بە ھەموو پێكاھەتە سیاسی و نەتەوەییەكان، لە پێناو دەستەبەركردنی ئارامی سیاسی و كۆمەڵایەتی".
گوتیشی: "ئەو بەرنامەی كە گۆڕان ھەیەتی بە وتوێژ و لێك تێگەیشتن و یەكتر قبوڵكردن دەستەبەر دەكرێت بۆ ئەوەی بتوانین بنەماكانی دەوڵەت فەراھەم بكەین".
راشیگەیاند: "جەخت لەسەر پڕۆسەی گۆڕان دەكەینەوە لە ھەرێمی كوردستان، بەردەوام دەبین لەسەر پەیام و رێبازی بزووتنەوەی گۆڕان بەبێ لادان لێی".
دوای ھەشت ساڵ لە دامەزراندنی گۆڕان و كۆچی دوایی نەوشیروان مستەفا، ئەمڕۆ بزووتنەوەی گۆڕان، عومەری سەید عەلی بە رێكخەری گشتی ھەڵبژارد.