نەوتی عێراق: 70 بۆ 75 دۆلار نرخێکی گونجاوە بۆ بەرمێلێک نەوت
عادل عەبدولمەهدی لە کۆبوونەوەی رێکخراوی وڵاتانی هەناردەکارانی نەوت (ئۆپیک) لە ڤییەننا، راشیگەیاند: "دوای ئەوەی ئاستی بەرهەمهێنانی نەوتی عێراق لە ساڵی 2015 زۆر زیادی کرد، لە ساڵی 2016 رێژەی نێوەندیی بەرهەمهێنانی نەوتی عێراق رۆژانە دەگاتە 4.5 ملیۆن بەرمیل نەوت".
وەزیری نەوتی عێراق گوتیشی: "ئێران مافی خۆیەتی دوای نەهێشتنی گەمارۆکانی رۆژئاوا لەسەری ئاستی بەرهەمهێنانی نەوتی خۆی زیاتر بکات".
ئەمە لە کاتێکدایە عاسم جیهاد، گوتەبێژی وەزارەتی نەوتی عێراق پێشتر رایگەیاند کە: ئاستی هەناردەکردنی نەوتی خاوی عێراق لە مانگی یازدەی ساڵی 2015 گەیشتە نزیکەی 100ملیۆن و 945 هەزار و 867 بەرمیل.
نرخی بەرمیلێک نەوتی خاوی برێنت کە یەکێکە لە باشترین جۆری نەوت لە جیهان ئێستا لە نزیکەی 44 دۆلاری ئەمریکییە.
K24: Reuters