بازرگانه عه‌ره‌به‌كان بازرگانى به گه‌نمى هه‌رێمى كوردستانه‌وه ده‌كه‌ن
K24 – هه‌ولێر:
به‌شێكی زۆر له جوتیارانی هه‌رێمی كوردستان گه‌نمى ئه‌مساڵيان راده‌ستی سایلۆكانی حكومه‌ت ناكه‌ن، چونكه مه‌رج و پێوه‌ره‌كانی به‌غدا توندتر كراون و پاره‌كه‌شی دره‌نگ رادەستیان دەكرێت.
له قه‌زای به‌رده‌ڕه‌ش له كۆی 55 هه‌زار ته‌ن به‌رهه‌مى ئه‌و ناوچه‌يه له گه‌نم, ته‌نيا 15 هه‌زار ته‌نی راده‌ستی سایلۆ كراوه. 40 هه‌زار ته‌ن گه‌نمیش به بازرگانانی عه‌ره‌ب فرۆشراوه، ئه‌وانیش بەنرخێكی گرانتر ده‌یده‌نه‌وه سایلۆ حكومیيه‌كانی باشووری عێراق.