دانه‌وه‌ی قه‌رزی كشتوكاڵی دواخرا
K24 - ھەولێر
حكوومه‌تی هه‌رێمی كوردستان ره‌زامه‌ندیی داوه له‌سه‌ر دواخستنی دانه‌وه‌ی قه‌رزی كشتوكاڵی جوتیاران.
وه‌زاره‌تی كشتوكاڵ و سه‌رچاوه‌كانی ئاوی حكوومه‌تی هه‌رێمی كوردستان له بڵاوكراوه‌یه‌كدا رایگه‌یاندووه، دانه‌وه‌ی قه‌رزی كشتوكاڵی جوتیاران له بانكی كشتوكاڵی، ساڵێكی دیكه دواخراوه و جوتیاران ده‌توانن ساڵی داهاتوو قه‌رزه‌كانیان بگه‌ڕێننه‌وه.
له‌مباره‌یه‌وه دكتۆر ئه‌نوه‌ر گوته‌بێژی وه‌زاره‌تی كشتوكاڵ به كوردستان24 راگه‌یاند، دواخستنی قه‌رزی كشتوكاڵی تاوه‌كو ئیستا هه‌ر له‌سه‌ر داوای وه‌زاره‌تی كشتوكاڵ بووه و له‌مه‌ودواش وه‌زاره‌ته‌كه سوره له‌سه‌ر ئه‌وه‌ی كه هیشتا كاتی وه‌رگرتنه‌وه‌ی ئه‌و قه‌رزانه نه‌هاتووه.