پاڵاوگەی بێجی دەكەوێتەوە كار
K24 - ھەولێر
وەزارەتی نەوتی عێراق ئاشكرایكرد، لە ماوەیەكی نزیكدا بەرھەمھێنانی بەنزین لە پاڵاوگەی بێجی دەستپێدەكاتەوە.
وەزارەتی نەوتی عێراق لە راگەیەندراوێكدا ئاشكرای كرد، لە ئایندەیەكی نزیكدا پاڵاوگەی بێجی بۆ بەرھەمھێنانی بەنزین و سوتەمەنییەكانی دیكە بەگەڕدەخرێتەوە، نزیكەی دوو ساڵیشە تیمەكانیان سەرقاڵی نۆژەنكردنەوەی پاڵاوگەی بێجین كە چەكدارانی داعش زیانێكی زۆریان پێگەیاندبوو.
لە راگەیەندراوەكەی وەزارەتی نەوتی عێراق ئاماژە بەوەكراوە، تیمەكانی وەزارەتی نەوت توانیویانە بەرێژەی 40% توانا بۆ پاڵاوگەی بێجی بگەڕێننەوەو لەمەودواش دەست دەكرێت بە بەرھەمھێنانی بەنزین و بەرھەمەكانی دیكەی سوتەمەنی.