مووچەی خانەنشینان دابەش دەكرێت
K24 - ھەولێر
وەزارەتی دارایی و ئابووری حكوومەتی ھەرێمی كوردستان مووچەی خانەنشینان دابەش دەكات.
سەرچاوەیەك لە وەزارەتی دارایی بە كوردستان24ی راگەیاند: "سبەی رۆژی پێنجشەممە 2019/2/21 مووچەی خانەنشینانی پێشمەرگە بۆ مانگی 2018/2 دابەش دەكرێت".
گوتیشی: "رۆژی یەکشەممە 2019/2/24 مووچەی خانەنشینانی شارستانی (مەدنی) بۆ مانگی 2018/2 دابەش دەكرێت".
لە 5ی ئەم مانگە وەزارەتی دارایی دەستی كرد بە دابەشكردنی مووچەی مانگی 11ی ساڵی 2018 و بەپێی خشتەی وەزارەتی دارایی، ئەمڕۆ كۆتایی ھاتووە بە دابەشكردنی مووچەی سەرجەم وەزارەت و دامەزراوەكان.
ھ.م