دەست بە دابەشكردنی مووچە دەكرێت
K24 - ھەولێر
وەزارەتی دارایی و ئابووری حكوومەتی ھەرێمی كوردستان، سبەی دەست بە دابەشكردنی مووچە دەكات و وەزارەتی پێشمەرگە یەكەم دامەزراوە دەبێت كە مووچە وەردەگرێت.
سەرچاوەیەك لە وەزارەتی دارایی و ئابووری بە كوردستان24 راگەیاند: "سبەی رۆژی یەکشەمە 2019/1/6 مووچەی دیوانی وەزارەتی پێشمەرگە وە لیواکان دابەش دەكرێت".
سەرچاوەكە راشیگەیاند: "لە چەند رۆژی داھاتوودا مووچەی چەند وەزارەت و دەستەیەكی دیكە دابەش دەكرێت".
ئەمە لەكاتێكدایە تائێستا مووچەی مانگەكانی 10 و 11 و 12ی فەرامنبەرانی ھەرێمی كوردستان دابەش نەكراوە و پێشتر سەرچاوەیەك لە وەزارەتی دارایی رایگەیاندبوو كە ئەو مووچانە دەكرێت بە چەك.