مووچەی چەند شوێنێكی دیكە دابەش دەكرێت

K24 - ھەولێر

سبەی پێنج شەممە 11/10/2018، وەزارەتی دارایی و ئابووری حكوومەتی ھەرێمی كوردستان، مووچەی چەند شوێنێكی دیكە دابەش دەكات.

سەرچاوەیەك لە وەزارەتی دارایی و ئابووری بە كوردستان24 راگەیاند: "سبەی رۆژی پێنج شەممە 2018/10/11 مووچەی وەزارەتی کاروکاروباری شەهیدان و کەسوکاری شەهیدان و زیندانیە سیاسییەکان دابەش دەکرێت".

رۆژی 6 ئەم مانگە وەزارەتی دارایی و ئابووری حكوومەتی ھەرێمی كوردستان، دەستی بە دابەشكردنی مووچەی مانگی تەمموزی 2018، كرد و تائێستا مووچەی ژمارەیەك وەزارەت دابەشكراوە، لە ھەفتەی داھاتووشدا مووچەی چەند وەزارەت و دامەزراوەی دیكە دابەش دەكرێت.