وەزارەتی دارایی لەبارەی مووچەی مانگی 3 راگەیەندراوێك بڵاودەكاتەوە
K24 - ھەولێر
لە راگەیەندراوێكدا وەزارەتی دارایی و ئابووری حكوومەتی ھەرێمی كوردستان، داوا لە فەرمانگە و دامودەزگاكان دەكات بەزووترین كات لیستی مووچەی مانگی 3 ئەمساڵ رەوانەی بەڕێوەبەرایەتی گەنجینەكان بكەن.
لە راگەیەندراوەكەدا ھاتووە: "وەزارەتی دارایی و ئابووری داوا لە فەرمانگە و دام و دەزگاکانی وەزارەتەکانی حکوومەتی ھەرێم دەکات، کە بەزووترین کات لیستی مووچەی مانگی (3)ی ساڵی (2017)، رەوانەی بەڕێوەبەرایەتی گەنجیەکان بکەن، بە مەبەستی وردبینی کردن و ئامادەکردنیان".