فڕۆکە تۆقێنەرەکەی ئەمەریکا بەسەرکەوتویی تاقیکرایەوە

K24 – هه‌ولێر:

گەورەترین فڕۆکەی جیهان بۆ یەکەمجار بۆ ماوەی دوو کاتژمێر فڕی و سەرکەتوانە تاقیکرایەوە.

فڕۆکەکە ئەمەریکییە و ناوی رۆکە و لە لایەن کۆمپانیای Stratolaunch دروستکراوە، شەش بزوێنەری گەورەی هەیە و توانای هەیە 250 تۆن کەلوپەل بار بکات.

ئەمەریکا ئەم فڕۆکەیەی بۆ مەبەستی سەربازی دروستکردووە و نیازی هەیە لە بری مووشەکە دوورهاوێژە زەمینییەکان بەکاری بهێنێت، جیا لەوەش، ئۆتۆمبێلی سەربازی دەگوزازێتەوە.

بیرۆکەی دروستکردنی فڕۆکەکە بۆ سەرۆکی پێشووی کۆمپانیای مایکرۆسۆفت، پاول ئالێن، دەگەڕێتەوە و بڕیارە لە ساڵی 2020 دەست بە چالاکییەکانی لە ئاسماندا بکات.

فڕۆکەکە لە دوو کابینە پێکهاتووە کە هەریەکەیان 73 مەتر درێژە و مووشەکە دوورهاوێژەکان دەباتە ئاسمان و تەکنەلۆژیای نوێی تێدا بەکاردێت

Metro

H.J