ژمارەی ئەو شناوانەی دەیکەیت تەندروستی دڵت نیشان دەدات
K24 – ههولێر:
ئەو کەسانەی دەتوانن زیاد لە 40 شناو (Push-ups) بەیەکجار ئەنجام بدەن، بەڕێژەیەکی بەرچاو مەترسی نەخۆشییەکانی دڵ و جەڵدە تیایاندا کەمە.
ئەو پیاوانەی تەمەنیان مامناوەندە و دەتوانن بەیەکجار 40 شناو بکەن، بە رێژەی 96% کەمتر نەخۆشییەکانی دڵیان تووش دەبێت بە بەراورد بەوانەی کەمتر لە 10 شناو دەکەن.
جەستن یانگ، پزیشک لە سکوڵی پزیشکی زانکۆی هارڤارد تی ئێچ چان لە شاری بۆستنی ئەمەریکا، توێژینەوەکەی ئەنجامداوە و دەڵێت: "ئێمە ئاشکرامان کرد کە شناو کردن رێگایەکی کاریگەر و بێ پارەی کەمکردنەوەی نەخۆشییەکانی دڵە".
دەشڵێت: "جێگای سەرسوڕمانی ئێمەش بوو کە زانیمان، شناوکردن کاریگەری زۆرتری لەسەر دڵ هەیە تاکو ئامێرەکانی راکردن".
ئاماژە بەوەش دەکات، وەرزشکردن و خواردنی تەندروست، باشترین هاوڕێی دڵن.
نەخۆشییەکانی دڵ کووشندەن و یەکێکن لە هۆکارە سەرەکییەکانی مردنی مرۆڤ لە جیهاندا، هۆکارەکەشی بۆ زۆری کۆلیسترۆل، جگەرەکێشان و وەرزشنەکردن دەگەڕێتەوە.
Daily Mail
H.J