ئه‌ردۆغان هاوكارێكی ده‌ناسێنێ

له‌ تۆڕه‌ كۆمه‌ڵایه‌تییه‌كان بایه‌خێكی زۆر به‌ تویته‌كه‌ی سه‌رۆككۆماری توركیا دراوه‌

K24 - هه‌ولێر:

ئێواره‌ی رۆژی پێنج شه‌ممه‌ 25/8/2017، ره‌جه‌ب ته‌یب ئه‌ردۆغان، سه‌رۆككۆماری توركیا، له‌ هه‌ژماری تایبه‌تی خۆیه‌وه‌ له‌ توریته‌ر، وێنه‌یه‌كی خۆی و نه‌وه‌كه‌ی به‌ ناوی "عومه‌ر ته‌یب" بڵاوكردووه‌ته‌وه‌ كه‌ پێكه‌وه‌ له‌سه‌ر مێزێكن و ته‌ماشای نووسراوه‌كان ده‌كه‌ن.

ئه‌ردۆغان له‌ تویته‌كه‌دا نووسیویه‌تی: "هاوكاری ئه‌مڕۆم نه‌وه‌كه‌م عومه‌ر ته‌یبه‌‌".

ئه‌و تویته‌ له‌ ماوه‌ی كه‌متر له‌ كاتژمێریكدا 18 هه‌زار لایكی بۆ هاتووه‌و 3 هه‌زار جاریش شه‌یركرداوه‌ته‌وه‌.

مانگی ته‌مووزی رابردووش، ئه‌ردۆغان به‌ یاوه‌ری ئه‌مینه‌ی هاوژینی، ئاماده‌ی ئاهه‌نگێكی خه‌ڵاتكردنی قوتابیان بوون، كاتێك نه‌وه‌كه‌ی بڕوانامه‌ی ده‌رچوونی قۆناغی سه‌ره‌تایی وه‌رگرت.

ئه‌ردۆغان و ئه‌مینه‌ی هاوژینی له‌ ئاهه‌نگی ده‌رچوونی ئه‌حمه‌د
ئه‌ردۆغان و ئه‌مینه‌ی هاوژینی له‌ ئاهه‌نگی ده‌رچوونی ئه‌حمه‌د

ئه‌وه‌ یه‌كه‌مین جاریش نییه‌ ره‌جه‌ب ته‌یب ئه‌ردۆغان، وێنه‌ی خۆی و یه‌كێك له‌ نه‌وه‌كانی بڵاوده‌كاته‌وه‌و پێشتریش وێنه‌یه‌كی خۆی و ئه‌حمه‌دی كوڕی ئیسرای كچی بڵاوكردبووه‌وه‌.

ئه‌حمه‌د ده‌یه‌وێت له‌ ده‌ست پاسه‌وانه‌كان هه‌ڵبێت و سواری ئۆتۆمبێله‌كه‌ی باپیری بێت
ئه‌حمه‌د ده‌یه‌وێت له‌ ده‌ست پاسه‌وانه‌كان هه‌ڵبێت و سواری ئۆتۆمبێله‌كه‌ی باپیری بێت