مامۆستایهكی ئهزههر داوا له قوتابییهكانی دهكات پانتۆڵهكانیان دابكهنن
K24 - ههولێر:
گرتهیهكی ڤیدیۆیی له تۆڕه كۆمهڵایهتییهكان لهناوخۆی میسر، بڵاوبووهتهوه و مشتومڕی زۆری لهسهر ئاستی ئهو وڵاته به دوای خۆیدا هێناوه.
وهك له گرته ڤیدیۆییهكهدا دهردهكهوێت، مامۆستای بابهتی "عهقیده و ئهخلاق"، له زانكۆی ئهزههر، داوا له چهند قوتابییهكی خۆی دهكات، لهناو پۆل پاتۆڵهكانییان دابكهنن.
لای خۆیهوه زانكۆی ئهزههر، راگر و مامۆستا و قوتابییه بهشداربووهكانی دهركردووه، كه بهشدارییان لهو كارهدا كردووه.
وێبسایتی "یهومولسابع"ی میسری ئاماژه بهوهدهكات، مامۆستاكه دانی به كردهوهكهيدا ناوه و دهڵێت: "نیازم پاك بووه"، به گوتهی مامۆستاكهش، داوای له قوتابییهكانی پۆل كردووه، چهپڵه بۆ ئهوانه لێبدهن، كه بۆ پاراستنی "ئابڕووی خۆیان"، ئاماده نین به گوێی بكهن و پانتۆڵهكانییان بهێننه خوارهوه.
مامۆستاكه بانگهشهی ئهوه دهكات، ویستوویهتی له نواندنێكدا رۆڵی "شهیتان" ببینێت و بۆ قوتابییهكانی روون بكاتهوه.
میسرییهكان له تۆڕه كۆمهڵایهتییهكان تووڕهیی و نیگهرانی خۆیان له كردهوهی ئهو مامۆستایه دهربڕیوه و باس لهوه دهكهن، "ئهزههر لهو مامۆستایه بێبهرییه" و داوای دادگاییكردنیشی دهكهن.
ههندێك له بهكارهێنهرانیش وێنهی كۆمێدی لهگهڵ كۆمێنتهكانییان دادهنێن.
ئ. م